Odinga ashikilia msimamo wa mageuzi tume ya uchaguzi

Kiongozi wa upinzani nchini Kenya, Raila Odinga ametangaza kuwa muungano wake wa NASA 

utaendesha kampeni nchi nzima kushinikiza kufanyika mageuzi katika tume ya uchaguzi, IEBC, 

akiendelea kushikilia msimamo wake kwamba uchaguzi wa Agosti 8 uliompa ushindi Rais Uhuru 

Kenyatta ulikuwa na udanganyifu. Amesema maafisa wa tume hiyo wanapaswa kuondolewa. Odinga 

amesisitiza kuwa tume hiyo lazima ifanyiwe mageuzi kabla hajashiriki katika uchaguzi wa marudio, huku 

Rais Kenyatta akisema tume hiyo haitakiwi kubadilishwa. Ingawa Mahakama ya Juu ya Kenya iligundua 

kuwepo udanganyifu katika uchaguzi huo, haikuwaondoa maafisa wa tume hiyo kabla ya uchaguzi wa 

marudio wa urais uliopangwa kufanyika Oktoba 17. Rais Kenyatta ameionya mahakama kutoingilia kati.